Imaginabo rondona pa tension di un caso den corte pero bo rol no ta di ningun banda, ni di e acusado of e defensa. Bo rol principal ta di crea imagen di e persona dilanti hues den un sala di corte unda camaranan no ta permiti pa yega pero toch di un otro forma, permiti pa e wowonan di pafor por toch mira e persona(nan) principal den e caso trata. Esaki ta e tarea importante di Pernile Tromp, ta e interseccion entre arte y ley. Pa Pernile, e proposicion inespera aki pa bira e sketch artist apunta oficialmente pa corte di Aruba cu apenas 21 aña, a dune un oportunidad pa demostra su talento como un artista, cu a cuminsa den un forma natural y tambe inespera.
DI KEN OF PA KEN LO BO KIER HACI UN SKETCH DI DJE?
“Si ta bibo, sigur di mi mama. Y si ta morto, sigur George Michael di Wham.”
AKI 10 AÑA
Mi lo spera pa tin un gallery pa e tempo ey. Tambe lo mi kier viaha rond mundo door di mi arte.”
CONSEHO
“Djis keda purba. Bo no mester kibra bo arte bieu paso bo ta pensa cu e no ta bon. Si bo keda cu nan, bo por midi bo trabou y wak con leu bo a yega di berdad. Tambe, si bo no pinta tur dia, esey no kiermen bo no ta un artista. Djis keda purba te unda bo por. E no ta un competencia pa ken por ta ‘PRO’ mas lihe. Tur hende ta desaroya nan ‘skills’ na nan mesun tempo.”
![](https://xclusivomagazine.com/wp-content/uploads/2022/11/ARTNPHOTOARUBA-106-copy-681x1024.jpg)
Por lesa mas di Pernile su entrevista den nos edicion digital, tanto den Papiamento como na Ingles.