Pakico Politica?
Politica ta un plataforma importante di un pais caminda bo lo ta un representante di pueblo.
E voz di un nacion cu a scogebo pa ta den den parlamento. Un compromiso pa traha na e bienestar di pais Aruba. Un carera cu mi a bin ta haci caba pa dos periodo cu hopi responsabilidad.
Pakico vota pa Jennifer Arends Reyes?
Mi ta un profesional di educacion cu ta kere den capacitacion continuo, ta traha cu gran devocion y ta gosa di un carera admirabel. Den e ambito personal, mi ta bendiciona pa harmonia familiar hunto cu mi casa y yiu.
Gratitud pa tur loke Dios ta duna mi ta loke ta inspirami pa lucha pa bienestar di grandi y chikito. Sea ta na scol of den sala di Parlamento, mi ta duna un 100% di mi mes pa percura cu e interes di e studiante of ciudadano ta bin na prome luga.
Mi tin amplio experiencia como miembro di Parlamento, lider interino di fraccion di AVP y Presidente di comision di turismo. Mi a destaca como un digno representante di pueblo, bon prepara y cu respet pa colega y e institucion.
Mi enfoke semper ta riba e temanan di Enseñansa, Turismo y Economia, ademas di hubentud y bienestar social. Entre e logronan cu mi ta mas orguyoso di dje, ta e ley pa regula calidad di servicio y siguridad na creche y centro di cuido pa mucha.
Pero mi no ta cla, tin hopi mas cu mi ta desea di haci; mas awo cu Enseñansa tin mester di tanto atencion. Por ehempel, reforma e curriculum pa inclui mas cu djis les y scol por ta un centro cu ta promove practica di deporte y arte.
Tur esaki ta posibel solamente cu bo apoyo. Vota #6 pa nos bolter cos y sigui cu e bon trabou na fabor di e bon comun.
Por lesa mas di Jennifer su entrevista den nos edicion digital, tanto den Papiamento como na Ingles.
