Desde su lansamento riba escenario musical di Aruba dia 9 di November 2013, 9 aña pasa, ‘NFUZION a demostra di ta un banda creativo, solido y cu e forsa pa existi. No unicamente nan a nace y mester a demostra cu tabatin tur espacio pa un banda nobo riba tarima musical di Aruba, sino awe despues di un temporada duro pa musiconan local debi na e pandemia di Covid-19, e banda a bolbe cu nan ekipo, practicamente intacto y cu cambionan grandi. Su lider principal, Ofo Escudero, a comparti un poco di e bida musica dos aña sin carnaval y kico por spera di awor en adelante.
E ta facil/dificil ta na cabes di un banda?
Traha cu hende ta e factor mas dificil den tur ramo. Pero ta hopi importante pa e musiconan sa kico bo kier y unda bo kier bay. E parti aki bo mester zorg pa nan compronde. Si nan tin otro vision, e ora lo ta mihor pa ‘part ways’ for di un principio. Dialogo ta hopi importante, pero lo mas importante ta cumpli cu lo ke bo ta dialoga. Y si nan wak cu como lider bo ta cumpli cu nan, e chens ta hopi grandi cu nan lo sigui cumpli cu bo…
Bo conseho na otro musiconan hoben cu kier yega na tin nan mesun banda?
Cumpli cu bo musiconan den tur sentido!!! Nan lo sa di para bo tras tur momento!
Por lesa mas di Ofo su entrevista den nos edicion digital, tanto den Papiamento como na Ingles.
