![](https://xclusivomagazine.com/wp-content/uploads/2023/01/1WhatsApp-Image-2023-01-24-at-2.34.57-PM-1024x574.jpeg)
Loke tabata conoci antes como Champions Sports Bar a haya un transformacion completo cu e nomber di ‘Campeones Cantina & Tequila Bar’. Xclusivo Magazine a keda invita pa personalmente conoce e restaurant nobo aki cu ya nos por anticipa ta bay trece un otro dimension den tipo di restaurantnan Mexicano cu nos conoce na Aruba. E experencia e sabor culinario Tex-Mex cu nos a experencia ta den un toke completamente diferente cu ingredientenan fresco manera tortillas fresco traha.
![](https://xclusivomagazine.com/wp-content/uploads/2023/01/WhatsApp-Image-2023-01-24-at-1.35.15-PM-2-768x1024.jpeg)
Na entrada caba bo ta keda ricibi pa un ambiente diferente c’un fontein memei di e resturant sigui pa muraya y decoracionnan colorido dunando e sensacion cu ta den un ciudad popular na Mexico bo a drenta.
Chef Ehecutivo Andres E. Davila a crea un menu increiblemente exkisito cu e miho di e sabornan di cuminda Tex-Mex, for di Tortillas pa Ceviche, Loaded Nachos, Super Machote, Baja Fish-, Al Pastor- and Beef-Quesa Tacos, como tambe desertnan exkisito di e famoso quesillo of bolo di tres leche. E bebidanan manera semper por pensa un bon Tequila, un bon Margarita y otro combinacionan perfecto cu e toke Mexicano.
Entre tur esaki bo por sigui disfruta di weganan deportivo cu ta keda transmiti den e mesun area manera tabara custumbra di prome. Y pa duna bonbini na nos localnan, lo tin un special di bebidanan di DOLLAR PA FLORIN Di 8 pa 11 tur dia.
![IMG_6264 IMG_6264](https://xclusivomagazine.com/wp-content/uploads/2023/01/IMG_6264-scaled-450x499.jpg)
![IMG_6262 IMG_6262](https://xclusivomagazine.com/wp-content/uploads/2023/01/IMG_6262-1-scaled-450x499.jpg)