Tin biaha bida por bira dificil pa nos como adulto. Nos mente ta yena cu cosnan cu no ta importante pero cu ta duna preocupacion y ta influencia nos manera di wak mundo ta cambia mientras nos abilidad pa ta presente ta bay perdi. Esey ta zona bo familiar? Awo, imagina bo mes si bo a siña di mucha con pa responde na e cambionan aki y con pa trata cu e dificultadnan y retonan cu bida ta bin cune. Esaki ta exactamente locual Nohely Fingal ta haciendo como Holistic Child Coach: empoderando mucha y hoben pa crea un balansa den nan bienestar social-emocional.
E TIP DI ORO
“Enfoca riba e coneccion y construi confiansa p’asina bo por yuda y guia bo yiu. Maske tin ora cu nos yiunan ta mustra nos comportacionnan cu ta challenging, nos tin cu ta consciente cu esaki ta nan forma cu nan ta comunica cu algo ta pasando cu nan. Sea mas alerta pa wak kico ta trigger cierto comportacion den nos yiunan y kico e comportacion ta bezig te comunica na abo como mayor. Y si esaki ta trece stress y tension p’abo como mayor, purba enfoca pa regula bo emocionnan prome cu reacciona na e mucha su comportacion. Duna bo mes por lo menos un 5 minuut pa por regula bo mes y p’asina bo ta mas calmo ora di acerca bo yiu. Enfoca semper riba e coneccion cu bo yiu. Esaki ta hopi importante p’e sinti cu e ta wordo scucha, comprondi y cu bo ta stim’e.”
Por lesa mas di Nohely su entrevista den nos edicion digital, tanto den Papiamento como na Ingles.
