Despues di a caba su estudio di Fisioterapia na Hulanda, Monique Ziba Bagheri (27), hopi liher a mira e necesidad den yudansa na un grupo di muchanan specifico; esunnan cu limitacion fisico. E necesidad di terapia pa nan por sigui desaroya nan mes tabata grandi. Asina Monique a dicidi pa specialisa su mes haciendo den Kinderfysiotherapie na Hulanda. Esaki lo haci’e e prome fisioterapista pa mucha aki na Aruba.
SACRIFICIO AWE PA SU GRAN LOGRO DI MAYAN
Monique a haya mas importante pa keda biba na Aruba y alabes cuminsa inventarisa kico ta e necesidad den Kinderfysiotherapie aki na Aruba. Pa e motibo aki Monique a scoge pa haci su masters online, logrando convence su scol pa haci un excepcion p’e, pa asina e por keda biba y traha na Aruba.
“E palabracion original tabata cu nan lo graba e lesnan pa mi por wak nan den mi mesun tempo. Pero door cu Hulanda tin un AVG-wet, pues no tin mag di graba ningun mucha, mucho menos comparti video di mucha, mi a haya mi obliga di cuminsa atende mi lesnan den “real time”, esta 9:20 – 17:00 (NL time), cual ta 3:20 AM – 11:00 AM (AUA time). Banda di e inconvinencia aki, como cu mi ta prome (y unico) Kinderfysiotherapeut na Aruba, mi mester viaha bay Hulanda algun biaha pa aña p’asina haci mi stage y tambe mi tentamens. Sin lubida cu mi Masteropleiding, cual ta costa mas o menos 18 mil euro, tambe ta gastonan cu mi ta pagando personalmente, door cu Arubalening ni DUO ta duna lening pa un ‘deeltijd’ studie.”
Por lesa mas di Monique su entrevista den nos edicion digital, tanto den Papiamento como na Ingles.
