E trabou diario di un nurse ta riba cualkier piso di hospital, tin su retonan dimes. Awor si bo ta un nurse riba cuido intensivo, no por duda cu e retonan ta mas ainda mirando cu bo ta tratando cu e pashentnan di mas delicado cu tin. Pero loke e pandemia a trece cune riba e retonan di e trabou diario di un nurse tabata algo inimaginabel tur caminda rond mundo, incluyendo Aruba. Jourraine Halabi tin 18 aña ta haci e trabou aki y a biba kico e kiermen di haci su trabou den e tempo di mas inseguridad cu nunca, pero manteniendo e calmo y ‘poise’ pa keda e mesun nurse prome cu existencia di COVID-19.
RIBA PISO ENTRE PASHENTNAN CU COVID
Tabata dianan largo, shifts di oranan intenso desde cuminsamento te final, ora yega cas di trabou, cambia cambia paña pafo pa sigura cu no tabata trece e virus paden den cas unda su famia tabata biba.
“Durante pandemia nos tabata expone nos mes tur dia den e virus, 24/7. Nos tabata eynan pa haci nos trabou, Jourraine ta bisa. Tabatin hopi incertidumbre y preguntanan sin contesta ainda riba e virus, pero no tabatin tempo pa warda riba esakinan. “Cuida un pashent di COVID-19 tabata hopi intenso. E ta rekeri di un cuido basta pisa, aparte cu nan tin e virus, nan ta na ventilacion, kisas otro condicionnan cu mester atencion manera ‘zwaar diabeet’, ‘hypertensie’, problema cu higra, riñon y cancer por ehempel”. Pashent tras di pashent cu tabata drenta pa ta bou su encargo, Jourraine tabata asumi e tarea. “Mi miedo mas grandi tabata di haya famia y/of conocirnan pa cuida riba piso, cual lamentabelmente a pasa tambe.
Por lesa mas di Jourraine su entrevista den nos edicion digital, tanto den Papiamento como na Ingles.
