Aishly Tromp (34) ta defini su mes como un “goal-getter”; un hende cu no gusta para keto. Su pasion pa moda y mercadeo digital a gui’e na creacion di Moxie, un plataforma di e-commerce cu ta ofrece un seleccion unico di paña y accesorio.
E paso pa haci Moxie relevante den moda na Aruba como un negoshi estableci, ta un logro danki na e apoyo di Qredits. Un ‘partnership’ crucial den yuda Aishly como un entrepreneur hoben, yega na su metanan prometedor pa futuro. Esaki ta su storia…
E persona
Aishly Tromp ta un persona cu ta pone su meta nan halto, tanto personal como profesional. “Mi ta aspira pa traha duro pa logra mi meta nan, biba un bida trankil pero na mesun momento reta mi mes pa sigui crece,” e ta comparti.” Como un mama nobo, su enfasis ta pa ta un ehempel positivo pa su yiu y pa ta presente pa su pareha. Riba nivel profesional, e ambicion di Aishly ta pa ta su ‘own boss’, un viahe cu ya e ta navigando pa algun aña, explorando e mundonan di moda y mercadeo digital. “Mi kier sigui crece den e dos ramo nan aki,” Aishly afirma, señalando cu e ta busca desafionan cu ta saca e mihor for di dje.
Por lesa mas di Aishly su entrevista den nos edicion digital, tanto den Papiamento como na Ingles.
