Desde un edad hoben caba, Francceska, “Cheska” Vieira, a sinti un pasion y gana profundo pa conoce mundo. Un deseo cu a hib’e na biaha y bishita no menos cu 58 di e 195 paisnan cu ta existi na mundo. Su aventuranan den 4 continente, a dun’e un perspectiva unico riba diversidad di servicio y innovacion den e industria di turismo.
Di hostels, pa hotelnan di luho te na boutique hotels, el a sa di siña y amplia su comprondemento y aprecio pa e industria di hospitalidad. Awe cu su 33 aña, e ta bek na su cas Aruba c’un gana pa comparti tur loke el a siña den cada un di e biahenan aki. Ki mihor forma cu cuminsa c’un otro biahe unico p’e; habriendo un concepto unico yama “Aruba Boutique Art Hotel.” E vision ta pa crea un concepto fun, interactivo y unico pa nos huespednan, y na mes momento, brinda un plataforma di oportunidad nan pa nos artista nan local den nos mercado di turista. Nos ta hopi excited!”
Caminda pa liderazgo
E biahenan di Francceska for di Aruba pa Hulanda, Sur Africa, a trece bek na Aruba, unda awe e ta maneha Aruba su prime y unico boutique hotel di arte. Cada paso den su carera a siñ’e lesnnan valioso. “Semper mi tabatin un ‘burning pasion’ pa biaha y anthropologia. Mi djis kier a conoce nos mundo,” Francceska ta bisa. “Mientras cu ami semper a traha den luxury & upper upscale hotels, durante mi tempo liber, mi tabata “back-pack solo” y tabata hospeda den diferente tipo di lodging, di hostels, Airbnb’s y boutique hotels p’asina amplia mi conocemento mas ainda. Den mi trayectoria completo sea den exterior of Aruba, mi por bisa tin 3 area nan cu a captivami, luho, sostenibilidad y liderazgo. Awendia nos ta pone hopi enfasis riba nos cultura empresarial, paso esey ta impacta e productividad di nos team y e ‘vibe’. E ta hopi importante pa nos como lidernan tin un cultura empresarial fuerte y sa con pa yega na obhetivonan di cada departamento. Como lider, definitivamente nos ta ‘set the tone.”
![](https://xclusivomagazine.com/wp-content/uploads/2024/03/1-1-683x1024.jpg)
Por lesa mas di Francceska su entrevista den nos edicion digital, tanto den Papiamento como na Ingles.