Den e entrevista unico aki, nos ta explora e bida fascinante di Pastor Jairo, un figura prominente den comunidad di Aruba, kende a logra balansa su carera espiritual cu su pasion pa musica. Conoci pa su perspectiva autentico y directo, esaki ta Pastor Jairo y su storia riba su entrada sorprendente den e mundo di musica di carnaval.
Opinionnan fuerte; Un pastor ‘Rebelde’?
Ora tin algo cu segun mi opinion no ta bon, mi no por keda trankil! Mi no ta gusta inhusticia y mi no tin temor di expresa loke mi ta pensa den berdad!
E manera cu ami ta comprende Evangelio kizas ta haci mi forma di ta un poco skerpi riba algun asunto. Mi no ta sintimi intimida pa ningun hende sea cual sea su posicion den comunidad, ora e no ta hacie bon, ami como Sacerdote tin un mision di yama atencion riba e asunto. Hesus a haci mescos. Semper den caridad, pero tin biaha, awa sa pasa hariña.
Hende por bisa berdad cu mi por ta rebelde, algun ta yamami “The Devil Himself” Hesus nan a acuse cu e ta haci milager cu forza di “Belzebu”, pero mi ta un hende profundamente spiritual, mi ta reza hopi y mi forsa mi ta haya den celebrasion Eucaristico (Misa) y den Dios su palabra.
Por lesa mas di Pastor Jairo su entrevista den nos edicion digital, tanto den Papiamento como na Ingles.
