Pakico e ta e Minister Mas Comenta?
Ursell Arends, a drenta politica di Aruba como ‘novato’ y di un partido considera como chikito. Cu su entrada, el a hereda ministerionan cu a keda cualifica pa hopi como un “pret pakket” – un termino uza pa describi carteranan cu no ta parce importante. Sinembargo, su termino te awor a demostra cu e desafionan cu e carteranan aki ta enfrenta, ta leu for di superficial. E no a hay’e solamente ta para firme contra su propio gobierno y enfrentando corporacionnan grandi pa defende naturalesa, pero mester responde na otro asuntonan pendiente y urgente. E pregunta ta si e ta e homber adecuado pa e trabou y cu ainda dos aña su dilanti y si e por realisa e cambionan necesario, ta sigui suma na e debate constante riba dje. E discusionnan aki ta mantene Arends como e ministro mas comenta den 2023, den un clima politico unda cada accion y decision ta keda mira di serca.
Integridad & Transpariencia
“Ta importante pa tur hende compronde cu Ministerio di Integridad no a bin pa reemplasa Ministerio di Husticia. Tur violacion di ley ta un falta di integridad, pero no ta tur falta di integridad ta violacion di ley. E ta violacion di norma y loke nos mester logra prome cu tur cos ta pa haci e normanan duidelijk. Pasobra loke p’ami ta un falta di integridad, kizas otro hende ta mira diferencia. E prome paso ta pa trece claridad. Alabes mi ta traha segun ley, y unda no tin ley, aplica mi compas moral.”
Por lesa mas di Minister Arends su entrevista den nos edicion digital, tanto den Papiamento como na Ingles.
