Pakico e ta RESALTA?
Jonathan Harms ta resalta como un visionario den e industria di destilacion na Aruba pa su enfok’e innovador y su compromiso cu tradicion. Su creacion di Pepe Margo Distillery, un proyecto cu ta combina conocemento cientifico y pasion cultural, a establece un standard nobo den e campo di destilacion artesanal y ta haci’e pionero den e ramo aki. Su dedicacion pa produci spirits autentico Arubano a transforma e panorama di destilacion na isla.
C’un vision pa crea a destileria perfecto pa Aruba, e lugar perfecto pa construi esaki tabata importante pa Jonathan y aki e idea pa un cas special na su curason a bira e opcion logico. Situa den caya di Wilhelminastraat – conoci pa su edificionan antiguo y rico na historia di Aruba – e cas di Pepe Margo, un homenahe bibo di e raiznan cultural y familiar di Jonathan Harm a haya un meta nobo.
Den e cas historico aki, ta unda Catarina Margarita (Margo) Arends – conoci pa su talento culinario y cariño di e comunidad como “Tan Margo” of “Pepe Margo” – a biba y comparti su arte culinario, Jonathan a haya inspiracion. E ta e lugar unda su tata, Milton Harms, a crece y unda su antepasadonan a marca nan bida. E destileria, un proyecto di restauracion y amor, a bira e cuminsamento di algo nobo, transformando e cas historico aki den un destileria artesanal. “E proceso di restauracion y adaptacion a tuma nos dos aña y mey, un esfuerzo di amor y dedicacion.”
Por lesa mas di Jonathan su entrevista den nos edicion digital, tanto den Papiamento como na Ingles.
