Su introduccion y gran amor pa tennis a cuminsa cu su 5 aña. Un deporte cu a dune asina hopi e.o.; victoria riba escenarionan internacional, un beca, un estudio cu asina hopi experiencianan inolvidabel, formacion individual, disciplina, amistadnan pa bida y un carera soña, pues un bida desea.
Representando Aruba, Kyle a participa den e Junior Davis Cup tres biaha, creando memorianan inolvidabel y haci su pais orguyoso. “Mi 3 momentonan favorito den ningun orden particular tabata: ganando e Junior Davis Cup pa prome y unico biaha pa Aruba, ganando e torneo internacional ITF na Aruba como e unico hungador Arubiano den historia, y ganando e CAA Championship cu mi team di college.”
Durante su viahe, el a haci numeroso sacrificio, manera laga pasa vacantienan di famia y fiestanan di cumpleaños di amigonan, pa persigui su soñonan. “Bo ta enfrenta desafionan y oportunidadnan cada dia como un estudiante-atleta, y esey ta loke ta haci bo special. Maneho di tempo ta clave como un estudiante-atleta, ya cu bo mester balansa un carga completo di curso manera un estudiante regular, pero tambe bo tin un trabou part-time – tennis. Pa ta organisa, comunica cu maestronan, y traha pa baydilanti, mi a logra balansa exitosamente mi compromisonan academico y di tennis.”
Por lesa mas di Kyle su entrevista den nos edicion digital, tanto den Papiamento como na Ingles.
