KEN E TA?
Stephanie (33), ta naci na Aruba, pero cu 1 luna a bay biba na Sint Maarten unda su mayornan tabata biba y traha e tempo ey. E ta considera su mes full un Caribbean mix, (mezcla Caribeño), considerando cu su famianan ta ta bin di Caribe y Centro America. “Na 1993 mi mayornan a dicidi di bin bek Aruba y nos a biba den barionan di Klip y Seroe Blanco.” Su famia ta consisti di hopi empresario y entrepreneurs. El a lanta ta hunga den e negoshi di su abuelonan den Vietnam na unda eventualmente su Opa y su tata a habri un otro negoshi cu tabata yama Friomax. “Door cumi tabata pasa mayoria di mi tempo cu nan den nan negoshinan, semper mi kier a yuda bende of siña e trabou.” Cu 10 aña Stephanie tabata pasa tempo den e departamento di ing y asina un ingenieria a siñe masha masha hopi, por ehempel, con pa wire full un sistema di key air conditioning thermostats di hotels. Tur esaki el a siña “hungando” den negoshinan di famia. “Mi entrepreneurial journey a cuminsa SUPER JONG!” El a bay tur e Mon Plaisir Scholen (Kleuter, Basis, Mavo) y despues a atende Colegio Arubano. “Mino a bay Universidad, pero mas bien mi a studia on the field, por ehempel siguiendo cursonan di e marcanan grandi cu su famianan tabata representa na Aruba.” El a siña hopi di business coaches y di su mayornan y di su abuelonan durante e transcurso di añanan, e lesnan aki ta impagabel.
Stephanie a traha pa 17 aña den e negoshinan di famia den entre otro customer service – sales – marketing y management. “Na final mi tabata den preparacion (extra management training) pa tuma e negoshi over pero covid a bin y tur destino a cambia.”
PAKICO QREDITS?
Stephanie tabata kier a traha cu Qredits for di 2019, pero door cu e tabata asina druk cu su otro compromisonan laboral e no a bay promer. Qredits tabata e prome cu a kere den su vision y e por bisa cu e experiencia di traha cu nan ta AMAZING!!!! “No solamente mi por a logra haya e oportunidad pa siña HOPI den e Small Business Academy, pero mi a logra haya un loan ora mi a kere tur porta tabata sera pami. Apesar di esey el a haya un oportunidad unico tambe, na momento cu el a logra gana e premio di Aruba Signature Experiences y esey a haci cu e por a gana poco extra fondo pa mercadeo y extra business coaching pa su start up business.
Por lesa mas di Stephanie su entrevista den nos edicion digital, tanto den Papiamento como na Ingles.
