Nan ta tres studiante den nan ultimo aña na universidad di Aruba den e Faculty of Hospitality and Tourism Management Studies, cu a resalta nan nomber na Aruba den luna di Mei 2022. Con? Danki na un simpel proyecto pero cu a crece y bira algo hopi mas grandi cu nan por a imagina.
UN PROYECTO DI BON OBRA
Manera tur aña, pa e klas di MICE (Meetings, Incentives, Conferences and Events), e studiantenan tin cu cumpli c’un proyecto final pa caba cu e semester. E tarea tabata pa forma gruponan di 2 of 3 studiante di e klas completo unda cada grupo mester a pensa un idea pa un evento pa genera fondo pa un fundacion di nan escogencia, mercadea, ehecuta esaki y presenta un reporte final pa nan evaluacion final. Ideanan cu a sali di e gruponan tabata hopi y bunita. Pa Fernando Dirksen, Anais Maduro y Stanley Valois-Smith, e idea di scoge pa Cares for Ethan cu ta fundacion cu ta bou nomber di Ethan, Aruba su butterfly boy, a proba uno exitoso. Fernando mes ta padrino di Ethan kende p’avia di su situacion medico dificil, tin mester di yudansa constante, cual ta costoso y no tur cos ta keda cubri pa seguro medico.
Por lesa mas di e trio di bondad nan entrevista den nos edicion digital, tanto den Papiamento como na Ingles.
