Un amistad cu a cuminsa 12 aña pasa, awe ta intensifica mas ainda cu nacimento di un negoshi hunto, combinando pasion, interes, empoderacion di tanto Angele como Ruchella cu lansamento di negoshi hunto yama The Fancy faces Aruba. Dia 15 di April, rondona pa famia, amigonan, cliente y personalidadnan di nos comunidad di Aruba, e amiganan a habri porta di nan studio The Fancy Faces Aruba, den su prome fase, pasobra esaki ta apenas e cuminsamento pa ambos. E gana pa ta ‘own boss’ ta algo cu ambos amiga tabatin di hopi tempo caba. E talento di cada un awor a keda combina den un formula perfecto, Angele su fuerte ta den e parti di maneho di negoshi, mientras cu Ruchella su talento den makiyahe. Cu hopi esfuerzo propio, nan a traha y materialisa un idea cu ambos tabatin pa un tempo caba. Esaki ta nan storia…
THE FANCY FACES – UN 1 STOP BEAUTY STUDIO
“Nos kier trece algo nobo pa cada cliente. E idea ta pa cada cliente no sali solamente satisfecho cu nos servicio nan, pero tambe sali empowered manera un celebridad. Nos lo tin servicionan di makeup, cursonan di makeup y otro tipo di servicionan di beyeza”.
“E concepto di tin un makeup and beauty studio den combinacion c’un makeup and beauty academy unda por duna servicionan di beyesa, train y comparti cu tur esnan cu ta interesa pa sa mas di beyesa, ta loke nos ta ofrece. Tambe nos kier crea un ‘Beauty Salon’ caminda cada cliente ta sinti hopi comodo y na mesun ta keda motiva nan mes pa ta e mihor version di nan mes cu por tin. Nos meta ta pa nos clientenan sinti nan mes relaha y disfruta di nos servicionan di makeup & beauty”.
UN PARTNERSHIP DI RESPET
“Pa nos, e mas importante semper ta keda e respet pa otro. Nos cada un lo por tin otro idea, pero conhuntamente nos ta yega na otro. Den e concepto aki nos ta trece nos conocemento, cu e vision di ‘The Fancy Faces’, pa crea conhuntamente un combinacion campeon”.
KEN TA E CLIENTE PA THE FANCY FACES?
“Tur hende lo por haci uzo di nos servicionan, cuminsando di infantil cu lo desea un face painting te na e makeup pa e evento di mas glamoroso, pero tambe e hende hombernan cu kier pinta por ehempel Carnaval of Halloween. Di e parti di duna les, tur hende cu kier siña of mehora nan talento di makeup. Actualmente nos ta ofrece servicio di makeup pa tur ocasion y tambe les di makeup. Nos lo ta expandiendo nos servicionan cu otro servicionan di beauty”.
Por lesa mas di Ruchella & Angele nan entrevista den nos edicion digital, tanto den Papiamento como na Ingles.
