Pakico e ta resalta?
E trayecto di Ronald como un ‘Private Chef’ ta un storia cu tin como fuente elementonan cu ta conta con el a transforma un perdida personal den su fuente di inspiracion. Loke cu ta sobresaliente na 2023 ta su abilidad pa entre adversidad hinca tur su habilidad pa bira exitoso den e trabou aki, cu a bin di un ‘voz interno’ di su yiu na dje. E storia di Ronald no ta solamente di crea platonan unico y crea bunita coneccionnan cu su clientenan; e ta trata di e poder transformador di amor y resilencia.
Toke personal
E manera unico di Ronald pa crea experencianan culinario ta pa inclui su clientenan den e proceso. “Nan ta parti di e creacion,” e ta splica. “Mi ta semper den contacto directo cu cada cliente. Di e menu, pa restriccionnan manera gluten of alergia cu por tin. Manera cu e menu ta acorda, mi ta cuminsa na busca e ingredientenan di mas fresco pa crea e platonan, manera priminti. Mientras mi ta cushina,mi guestnan ta semper parti di e experiencia aki tambe; nan por semper bin den cushina, hacimi pregunta y tin biaha hasta ta yudami. Gruponan te cu 10 persona mi ta haci mi so p’asina mi por ta mas serca di mi guestnan.”
Por lesa mas di Ronald su entrevista den nos edicion digital, tanto den Papiamento como na Ingles.
