Un mucha di Dakota, Rocío Burgos (35) a lanta como unico yiu di un mama soltera. Awe su cara ta conoci den comunidad di Aruba pa e.o., su trabou cu e organisacion WOW; Women empOwering Women, un organisacion cu enfoke riba e desaroyo di cada miembro cu su obhetivo principal; brinda miembronan oportunidad di desaroya y mehora nan abilidadnan personal, social y profesional. Aunke sigur e trabou cu e ta haciendo awe ta importante den empodera otro, e tin un peso adicional agrega pa sa cu Rocío, prome cu WOW a pasa den un experiencia dificil di abuso den su relacion, cu e mester a sobrepasa. Un experiencia cu a dune un bos pa resona mas ainda serca otronan cu e ta posibel pa lanta bek, despues di experiencianan dificil y inspira otro.
SALUD MENTAL PROME CU TUR COS
“Ami nunca a considera mi mes un victima, loke si mi a realisa desde inicio ta cu e heridanan ta real y si mi no tuma tempo pa traha riba esaki, nunca lo por ta mi mes bek. Dus mi a tuma mi desaroyo personal hopi na serio door di bay terapia cu psycholoog, dedica mi mes na trabou, ta hopi activo den WOW y no date ningun hende durante e prome aña despues di mi break up. E tempo ey mi a scoge mi salud mental como mi prioridad y mi a compromete na esey tur dia. Mirando bek, mi ta contento di e pasonan cu mi a tuma. Mi por bisa cu hopi seguridad cu poco poco pero sigur, eseynan a contribui na mi estado di felicidad actual.”
Por lesa mas di Rocío su entrevista den nos edicion digital, tanto den Papiamento como na Ingles.
