El a cuminsa como un reto na su mes; purba pasa un siman sin bebe alcohol. Despues e 1 siman a bira 2, djey 4 y asina el a continua te awe yegando casi 10 aña sin bebe niun drop di alcohol. Su relacion cu alcohol a cuminsa na jong. Awe mirando bek, Maureen Kelly ta feliz di por ta su mes, sin e influencia di alcohol y di por yuda otro na tuma e reto aki. E reto pa biba un bida, sin alcohol y conoce e beneficio di e bida nobo aki.
Con diferente e Maureen di mas di 10 aña pasa ta compara cu esun di awe?
Aunke tur cos no tabata perfecto den e ultimo 10 añanan ( mi a pasa den ansiedad, panic attacks & sexual harrasment ) mi por bisa cu mi ta contento di no ta bebe alcohol. Alcohol ta haci ansiedad y tur e problema nan cu salud mental, peor. E Maureen di awe ta su mes na tur momento. Ta haci su best pa yuda su mes, su amistad nan y tur hende cu mester un of otro ayudo. E Maureen di awe sa cu alcohol no ta e solushon pa tur cos y cu por enjoy bida sin cu mester bebe alcohol.
Kico ta e cosnan mas bunita cu bo a descubri di bo mes, estando sobrio?
Bo ta siña conoce bo mes, traha riba bo mes, yuda otro y asina sinti bon. Ora cu bo ta bo mes, nada lo bay robes.
Por lesa mas di Maureen su entrevista den nos edicion digital, tanto den Papiamento como na Ingles.
