Desde cu Luis Mario tabatin 7 luna, el a cuminsa tuma les di landamento, y desde e dia ey, nunca mas e la sali di awa. Cu casi 8 aña el a logra tin tur diploma di landamento pero a sigui haci conditie-zwemmen cerca su coach Duncan. Dos aña pasa, el a keda acerca pa su prima pa join e team nobo di Giants Aquatics y desde e tempo ey Luis-Mario su pasion pa landamento competitivo, a nace. Practicamente, tur dia e ta entrena, algun biaha hasta 2 vez pa dia y diadomingo, e ta train Open Waters.
E prome competencia den exterior tabata December 2021 unda e la clasifica & participa den Speedo Winter Championship na Miami y aunke e no a logra pasa pa final, e tabata un tremendo promer experiencia. Na Juni e la clasifica pa PANAM Aquatics, pero door di un accidente cu su pia, e no a logra recupera na tempo pa participa. July durante un vakantie na Corsou el a pidi pa sigi train durante su vakantie y a join e team di Sitoc y durante su training nan a invite pa e participa den un Open Water Competition cu Curacao Aquatic Association a organiza. Aki el a sali ganador absoluto den 1KM y di biaha nan a invite pa un competitive swimming event riba e mesun dia, unda tambe e la gana dos medaya di oro.
AGRADECIMENTO
Prome cu tur cos mi kier a gradici mi mayornan cu ta mi sosten principal y ta para 200% mi tras den tur cos cu mi kier haci. Na Deaxo Croes pa e oportunidad di por a compañ’e como un di su assistant swimmers den e momento historico Punta pa Punta, y sigur Crossing for Prevention, mi ta asina proud di dje, e ta mi ehempel. Na mi coach Jordy Groters pa por a yudami traha un schedule unda mi por a sigui practica competitive swimming y sigui prepara mi mes y na Coach Francisco Goedgedrag pa a guia mi y prepara mi pa forma parti di e team di Crossing for Prevention. Na mi compañero Bobby Gibson cu tambe ta un atleta hoben cu a forma parti di e team di assistant swimmers & Lori King. Na Roly Bisslik cu ta e mihor mentor pa un hazaña asina y ofrece su hogar y conocemento den tur practica. Na e team completo di Crossing for Prevention! Na Educampus pa brinda nos atletanan/studiantenan e oportunidad di por combina scol y deporte. Na mi famia cu ta mi #1fans y supporters & mi amigonan cu semper t’ey pa apoyami. Y mas importante na Dios cu ta bendicionami tur dia!
Por lesa mas di Luis Mario su entrevista den nos edicion digital, tanto den Papiamento como na Ingles.
