KEN E TA:

_{^{Banda di e funcion importante cu mi ta eherce, mi ta casa, mama di tres yiu, ta gusta lesa, studia y ta gusta practica deporte, cual semper a forma parti di mi bida. Mi por wordo describi manera un hende positivo para den bida, cu por expresa su mes cu facilidad, hopi serio den su trabao, y cu un pasion grandi pa logra cambionan cu impacto structural.}}

INSPIRACION

_{Tabata mi intencion pa mi traha hopi aña den sector publico mirando cu tur dos mi mayornan a forma nan carera den sector publico y a aporta di un manera positivo na cambionan pa nos pais. Na 2010 bida a dal un buelta y mi a dicidi despues di a consulta cu mi casa, pa haci un cambio pa sector priva, liderando tambe un team di impuesto di un “global company. Na aña 2014, cuater aña despues, vacatura pa e posicion di director di departamento di impuesto a habri y mi a haya mi mes confronta cu un reto diferente. Retonan grandi tabata tin sigur riba mi caminda, pero e ta un decision cu sigur mi no ta arepenti di dje.}

_{UN MOMENTO INOLVIDABEL DI INSPIRACION}

_{Loke a impacta mi sigur tabata e temporada di pandemia cu a gara ful mundo di sorpresa sin cu nos tabatin un manual con pa atende. Tabata un di e momentonan mas crucial den mi bida personal y carera. Un momento den bida cu mi a siña conoce di berdad con fuerte mi ta den momento di crisis. Caminda aun teniendo hopi miedo den mi curason, mi no a duda den lanta para y guia un organisacion asina importante pa pais cu curashi, balentia, empatia y den ekipo. Ta un momento den mi bida y carera cu lo keda pa semper graba den mi mente y curason.}

Por lesa mas di Luenne su entrevista den nos edicion digital, tanto den Papiamento como na Ingles.