Lisanne Sambo-Gomez ta yama su wela, Maria de los Remedios Gomez-Hieroms, “Dudu.” E palabra “Dudu” no ta solamente un nomber, pero tambe un expresion di amor y ternura, representando un wela cu ta yena di cariño pa su nietonan. Aunke Dudu a fayece na 2002, su legado ta biba aden di su famia, su cushina, y su famoso Pandushi. Esaki ta un bista den e bida y pasion di Dudu, manera conta pa su nieta, Lisanne, kende awe su mes, a trece e pandushi aki bek na bida, recreando esaki bek bou die bunita nomber na honor di su wela: PANDUSHI DI MEME.
Recuerdo di sabornan
“Cu 11 aña nos a bin biba bek na Aruba, mi wela tabata feliz y nos tabata pasa tur dia serca dje: Lisanne ta conta. Ya su Dudu tabata grandi caba y e tabata disfruta sinta bandi dje henter atardi combersa y scucha storia di temponan cu Lisanne no tabata conoce.
Tur esaki, mientras tanto, un di e yiu muhernan di su wela tabata traha cune den cushina, semper preparando pastechi, kroket, loempia, Pandushi y cuminda, y riba mesa di cushina, semper un boter di glas grandi cu tempera di bakiyou, salmou, webo, berdura of porco poni. Un cos ta sigur, ningun di e sabornan aki a falta na Wilhelminastraat 66. Dudu tabata traha conserve di lechi, koekie, bolo y un monton di cuminda. Tambe e tabata conoci pa su nietonan pa su salada di galiña cu pika, sopi y kool yena. Mi primo y primanan ta corda con e tabata traha e pandushinan chikito specialmente pa cada un di nan haña un pa nan come mane e sali cayente for di forno.
Por lesa mas di Lisanne su entrevista den nos edicion digital, tanto den Papiamento como na Ingles.
