Kevin (41) ta un graduado di University of North Carolina como Bachelor Business. Na Florida Gulf Coast University el a haal su Masters Degree den Business Administration. E lesnan mas importante cu el a siña di su periodo como studiante ta cu “hard work pays off.” Como studiante el a traha y studia, viaha, sigui cursonan y cuminsa crea un network, tur e esfuerzo aki awe e ta wak e balor den dje.
CONSEHO
“E conseho mas comun cu mi ta duna ta ‘no tene miedo di pidi pa ayudo’, paso e proceso pa cuminsa un compania na Aruba por ta dificil, pero si bo tin hende cu conocemento rond di bo e por bay facil”. Locual hopi entrepreneur ta haciendo bon na Aruba ta cu nan ta tumando e prome paso y nan ta hopi mas informa. Locual nan ta haci menos bon ta cu nan ta laga mucho tempo pasa prome cu nan pidi pa ayudo y hopi biaha e ora nan ta demasiado laat of e ta costa hopi mas placa pa bin cu solucion. Siña continuamente y keda habri pa ricibi informacion y conocemento ta sumamente importante pa cualkier professional/entrepreneur. “Sigui cursonan, papia cu esnan rond di bo cu tin cierto conocemento, siña for di nan y absorbe tur locual bo por, asina bo ta approach cierto themanan diferente cu lo bo a haci riba bo mes.”
Pa cuminsa bo mesun negoshi no lo ta facil, e lo tuma hopi trabou pero na final e por ta un experiencia hopi satisfactorio.
Por lesa mas di Kevin su entrevista den nos edicion digital, tanto den Papiamento como na Ingles.
