E tin medionan social boca abou desde cu el a cuminsa post su videonan mustrando con e ta haci barinan di sushi limpi rond Aruba.
Limpiesa c’un humor pero e berdad ta cu esaki a bira un negoshi nobo y prometedor pa Frits de Palm. E hoben entrepreneur a sondea diferente forma di negoshi desde cu e tabata studiando caba na EPI, pero tabata den 2023 cu un lus nobo a sende serca dje ora el a mira un oportunidad den duna un servicio diferente, haci barinan limpi pa casnan rond Aruba.
Como un hoben den e sector di limpieza, con bo ta mira e importancia di e servicio aki den bida diario y na beneficio di nos medio ambiente?
“Di berdad mi no por stress suficiente e importancia di limpiesa y mantenimiento. Vooral pa nos imagen internacional como un Isla turistico esaki mester ta un prioridad pa tur Arubiano. No djis prioridad personal pero tambe parti di nos cultura. Mantene nos curanan limpi, mantene cayanan, cas y camindanan publico limpi. E no ta djis importante pa nos imagen pero mas importante pa nos propio salud y paz mental. Tur hende ta contento ora nan ta biba den un ambiente limpi y hygienico.”
Por lesa mas di Frits su entrevista den nos edicion digital, tanto den Papiamento como na Ingles.
