Su nomber cu no mester mucho introduccion mas paso den e ultimo 20 añanan, Ludwich Samson (42) a graba esaki den e paladar di hopi hende cu a purba su creacionnan culinario. Sea si tabata via su mesun negoshi, catering corporativo, un bruid, pa local, turista of hasta cushina pa pareha real di bishita na Aruba, semper el a percura pa impresiona. Awe, e ta fungi como e executive chef pa 2 restaurant grandi na Aruba cu ta The Vue Rooftop Aruba y The North End Pub & Grill Aruba. Ludwich a traha su nomber grandemente pero ainda e no ta cla, aunke facil tampoco e tabata.
ARUBA Y E MUNDO CULINARIO
“Mi a perde 3 auto, mi a perde mi cas y mi a hera perde mi famia. E trabou aki no ta facil. E ta un ambiente hopi loco unda kisas bo ta hayabo ta saca hopi cuminda den poco tempo, carga cosnan pisa, cayente, adrenalina halto, papia duro cu otro. Pa bo logra, bo mester keda consistente, keda pusha y pone atencion na bo actitud. Esey ta hopi importante. Bo mester kier siña y busca pa sa mas cos den bo trabou. No ta tur hende ta traha pa e trabou aki.”
KICO TA SIGUI?
Awor ainda mi ta siña cos nobo, pero e parti mas exciting ta crea cos nobo y wak’e traha. Mi estilo ta ‘street food’ ta loke ami ta gusta. E ta manera arte, mas bruto, mas colorido, informal y mas liber. Mi gusta create super dishes, pone un cuminda hopi simpel mustra bunita ta bin natural p’ami.
Mi famia ta un parti hopi importante. Tur esaki berdat ta un exito, pero no tin exito sin sacrificio. El a costa hopi tempo for di mi famia pa mi por a haci esaki. El a desbalansa nos bida paso ta hopi ora e ta tuma di mi famia. Mi ta hacie c’un meta y cu e no ta pa semper. Awor poco poco, mi ta mas na cas cu mi famia. Pero, mi no ta cla ainda.
Por lesa mas di Ludwich su entrevista den nos edicion digital, tanto den Papiamento como na Ingles.
