Tin un dicho conoci cu ta bisa; “The World is your Oyster, make it a fresh one!”, (Haci lo maximo di oportunidadnan unico den bo caminda).
Enrique Balestrini no ta solamente un otro nomber den e mundo creciente di gastronomia di Aruba. Como un persona cu ta aplica e principionan di honestidad, etica y traha duro semper, e ta trece awor un perspectiva fresco na e mundo culinario na Aruba, “1 ‘review’ at a time”.
Enrique ta Aruba su Food Critic di mas gusta…
Den un comunidad chikito manera di Aruba, duna critica no semper ta facil, specialmente ora tin cara conoci tras di e platonan. Pero Enrique ta kere cu mester ta posibel pa ta honesto. P’e, tur storia mester ta autentico, sigurando asina cu di berdad, e ta cumpli cu su audiencia.
“E no ta cumbini ningun hende ora ta cambia un storia pa algo cu e no ta.”
CRITICA, KI ORA
Bo a yega di hayabo den e situacion di critica un restaurant of plato cu a keda crea pa un amigo?
“Duna amigonan of clientenan un comentario (review) ta un desafio cu mi ainda ta navegando aden, sinembargo, bo mester mira cos toch positivamente. Tur esnan cu ta crea algo den e mundo aki, ta pone hopi esfuerso den nan proyecto- y eventonan y esaki solamente merece reconocemento. Y sigur, semper lo tin espacio pa mehoracion.”
Por lesa mas di Enrique su entrevista den nos edicion digital, tanto den Papiamento como na Ingles.
