Diandra Tiel, Brand Manager di Nestle & Ferrero, ta un sinonimo di pasenshi y tenasidad. Prome cu el a bira un mama, Diandra su bida tabata uno yen di actividad y aspiracionnan profesional. Un yiu sugur no tabata su prioridad.
“Despues cu mi a tuma e decision pa bira mama, mi enfoke & metanan a cambia casi instantaneamente, mi a cuminsa bira reserva, mi a cuminsa enfoca pa alcansa metanan pa un duracion mas stabil y largo. Eynan mi enfoke a bira y ta awe, mi yiu Luis Mario “Cosho’.” Awe su decicacion na su yiu no ta djis como un mama encarga cu e cuido, educacion y alimentacion di su yiu. Diandra ta, banda di su casa, e sostenedor mas grandi di e deporte di su yiu cu ta natacion. Sea ta na entrenamento, competencia local y hasta internacional, Diandra a bira e SPORTS MOM perfecto pa su yiu.
Buscando e balans
Logra mantene un balans entre su carera profesional y su rol como un Sport Mom, ta retonan cu Diandra ta maneha. “Mescos cu mi ta comprometi 100% cu mi yiu, mi ta mesun pasiona & comprometi cu mi trabou.” Su empleo ta brind’e e flexibilidad pa ahusta su orarionan di trabou p’asina e por ta presente na eventonan importante di su yiu. Sinembargo, e ta admiti cu facil, e no ta paso como mama, e ta sinti cu e no kier perde ni un seconde di duna sosten na e carera aletico di su yiu. “Pero, el a yega di pasami cu mi mester a sacrifica y perde un of otro competencia, principalmente den exterior, of yega poco mas laat, paso simplemente e combinacion no tabata bay. Esey y ta algo cu ta kibra mi curason den mil pida cada biaha cu esaki pasa.”
Por lesa mas di Diandra su entrevista den nos edicion digital, tanto den Papiamento como na Ingles.
