Na 2002, Cristina Lopez de la Cruz (43) a tuma e decision dificil pa laga su yiu chikito Crisleidy Lopez de la Cruz (24), e tempo ey di 4 aña atras na Republica Dominicana. Su meta tabata uno; busca un mihor bida na Aruba pa su famia. Apesar di su edad hoben, Crisleidy ta corda e dia aki ainda, paso tabata net 2 dia despues cu el a celebra su cumpleaño cu su mama a viaha. Cristina su plan original tabata pa bin traha na Aruba pa algun algun aña y bolbe bek Republica Dominicana, pero destino a cambia tur cos y a reuni mama cu yiu bek, nos djis na un pais si no tambe awor den mesun profesion.
TRAHA DEN FAMIA
Cristina: “Un di e retonan di mas grandi di traha cu mi yiu ta pa guie pa e por haci tur cos cu exito. E mas bunita ta di wak con e ta evoluciona y crece den una manera profesional. Esaki ta haci mi hopi feliz. Tur dia nos ta siña hopi cos nobo. Danki na mi yiu mi a siña con pa bay riba social media. Tambe awor cu e ta hoben pa e aprobecha pa bay diferente les di maneho di negoshi, recurso humano ect unda e ta comparti informacion importante cumi pa e mehoracion di nos negoshi.”
Crisleidy: “Mi a siña di mi mamá traha cu amor, mi falta hopi pa siña pero sin duda mi tin ‘The best Teacher’. Mi ta admir’e y ta orguyoso di por tin un mama artista. Hunto nos tin e mesun vision pa tur cos bay bon den nos negoshi.”
Por lesa mas di Cristina & Crisleidy nan entrevista den nos edicion digital, tanto den Papiamento como na Ingles.
