Aruba ta yama Bon bini na Chef Ricardo Niels, e forsa nobo den cushina na Bogart’s Aruba, unda e ta trece un fusion unico di cushina Frances y Mediterraneo.
“Mi ta describi esaki generalmente como cushina Frances/Mediterraneo. Pero en realidad mi ta haci loke mi ta sinti. Mi no kier limita mi mes na nada.” E filosofia aki di libertad culinario ta establece e tono pa su creacionnan – innovativo, sin restriccion y semper evolucionando.
Viahe culinario
Su carera, cu a forma na Hulanda na lugarnan prestigioso manera Restaurant De IJsselhoeve y Seinpost Scheveningen, ta marca pa versatilidad y ‘flair’ creativo. Cuminsando su aventura culinario na e edad hoben di 20, Chef Niels a lidera e cushina na Holland House Beach Hotel na St. Maarten, sigui pa periodonan na Hong Kong, Sur Africa, y abordo di un yate di luho IDOL. Su experiencianan alrededor di mundo a yuda forma su filosofia di cushina. E ta bisa, “Mi experiencianan rond di mundo a influencia hopi mi enfoke culinario, enrikeciendo esaki cu sabornan y tecnicanan diverso.”
Por lesa mas di Chef Niels su entrevista den nos edicion digital, tanto den Papiamento como na Ingles.
