KEN E TA:

_{^{Mi ta bin di e bario di Santa Cruz di un famia chikito di mi tata y mi mama y un ruman homber grandi. Na aña 2003 mi a termina mi estudio di maestra na IPA. Y despues di a para 10 aña dilanti klas, mi a haya e oportunidad di bira cabesante di Agnes Kleuterschool cual funcion mi ta eherciendo te cu awo. Mi ta un persona hopi trankil, positivo y semper alegre, caracteristicanan cu a yudami di ta unda mi ta y ken mi ta.}}

INSPIRACION

_{For di tweede klas di scol basico, juf Omayra di Maria School su forma di trata nos a duna mi e gana di bira un maestra tambe pa a duna mes amor y atencion. Durante mi carera escolar, mi a sigui haya mas docente cu a keda mantene e inspiracion ey cu a yudami cu na 1999, mi a scohe pa bai IPA. Na momento cu mi a cuminsa traha den klas, mi a haya diferente muchanan “special” cu duna mi e inspiracion pa bai busca e manera pa compronde nan y asina, por yuda nan mihor. Apesar cu e tabata un reto, mi ta sinti tambe cu el a yuda mi crece den mi trabou.}

_{UN MOMENTO INOLVIDABEL DI INSPIRACION}

_{Un persona hopi cerca di mi a notifica mi na varios ocasion cu tin dia cu e peso di bida diario ta bira dimas p’e, e ta corda riba mi y ta pensa cu mi persona cu un trabou asina pisa y cu tanto cos pa deal cune, wak con mi ta lanta tur dia bay traha cu alegria y motivacion. Y cu solamente e pensa esei y imagina e smile cu mi ta cana cune, e ta haya e forsa pa lanta, prepara y bay su trabou y enfrenta e dia.}

Por lesa mas di Aysheline su entrevista den nos edicion digital, tanto den Papiamento como na Ingles.