Ta ya caba mas di 50 aña cu e implantenan di pecho a bira un cirugia di cosmetico popular mundialmente. Na Aruba, e ‘hype’ aki tabata igual. Angelique “Angie” Sue-Ellen van der Horn (38) tambe a ‘bite in’ e hype aki y cu su 20 aña, el a haya e cirugia cosmetico aki como su regalo di graduacion. Un regalo cu inicialmente el a kere cu lo hacie feliz, pero cu a resulta den un mal soño cu el a dicidi finalmente, pa pone un fin na dje na 2021. Awe, e kier conta su storia pa alerta otro muhernnan manera su mes, riba e riesgonan cu hopi no ta ni pensa riba dje, na momento di pone implantenan di pecho.
CONSEHO NA E DECISION RIBA IMPLANTENAN DI PECHO
Haci mas investigacion detayadamente. No solamente riba risiconan cu e cirugia mes, pero tambe tocante e implantenan mes, nan ingredientenan toxico cu kizas por activa bo sistema inmunologico negativamente, mescos cu esun dimi y mitar miyon di otro hende muhernan mas. Explora otro alternativanan cu bo ciruhano plastico si echt bo kier haci un cambio. Pensa riba un lift of fat-grafting por ehempel. Pero mas ainda, mi conseho lo ta pa inverti den life coaches or psicologo pa traha riba bo auto estima of e ‘pakico’ bo ta pensa ta necesario pa haci un cambio asina grandi cu bo mes. Pa esunan cu tin implantenan di pecho, recien of di hopi aña caba, si bo ta lucha cu bo salud, bo tin dianan cu bo ta pensa bo no tin energia pa nada y cu bo ta bira malo cu diferente malesanan, tin problema di drumi of tin ansiedad, porfabor busca informacion y evaua si kizas esaki ta conta p’abo tambe.
Mi no ta bisa cu tur hende mester core bay kita nan implantenan. Sigur cu no. Mi conoce suficiente hende muher cu no tin problema of sintomanan, pero nos niun lo sa pa con largo nan lo keda sin sintoma of kizas nunca nan lo haya sintoma mes. Mi ta djis spera cu mi storia mi por planta un simiya, cu si esaki cuminsa pasa, di un of otro manera, nan lo corda riba mi storia y busca informacion pa nan mes. Paso no tin nada mas dushi cu sinti bon di salud!”
Por lesa mas di Angie su entrevista den nos edicion digital, tanto den Papiamento como na Ingles.
