Desde cu Qredits Aruba a inicia su operacionnan na 2017, e enfoke principal semper tabata pa stimula e sector empresarial na Aruba. Awe, 7 aña despues, por mira claramente e impacto grandioso cu Qredits a logra no solamente sosteniendo empresarionan local, pero tambe iniciando un movimiento nobo den manera di pensa, actua, y ehecuta negoshi. Qredits y su ekipo na Aruba a logra forma un comunidad mas consciente di nan mesun potencial, proporcionando confiansa y sigurando cu nan sa cu tin un man amigo disponibel den cada paso di nan viahe empresarial. Pa cada aña, nos a prepara un pregunta cu ta brinda perspectiva profundo riba e mision, vision, y logronan alcansa durante e ultimo siete añanan.
Cual ta e logronan mas destaca di Qredits durante e periodo di 7 aña?
Qredits Aruba a financia mas cu 450 compania local, loke ta representa un inversion di Afl. 16.8 miyon den e economia di Aruba. Tambe a yuda mas cu dos mil persona cu ta aspira pa bira of ta un empresario local, cu programanan educacional, guia y entrenamento personalisa por medio di “coaching” y “mentoring”, y conseho detaya riba cada plan di negoshi obteni.
Por lesa mas di Qredits su entrevista den nos edicion digital, tanto den Papiamento como na Ingles.
