Pakico e ta RESALTA?
Su historia di muda di Venezuela pa Aruba, cambia di un performer pa bira awor un fotografo gusta y respeta ta un ehemplo di e buskeda incansabel di Petit pa su pasion artistico y dedicacion cu tabata latente serca dje. Su abilidad pa adapta y crece artisticamente, hunto cu su compromiso pa sigui desaroya personalmente, ta haci’e un figura inspiracional den arte visual. Su persistencia, disciplina y compromiso cu su mes, a pone Petit awe bira un nomber conoci, respeta, pidi y aprecia den su ramo di arte visual tanto na Aruba como internacionalmente.
Transicion artistico
Prome cu Petit a cuminsa haci fotografia comercial, el a pasa algun aña como un fotografo hoben. E transicion a sinti natural p’e, pasobra e ta splica cu realmente, e no tabatin pura. Pero ya pa e tempo cu el a cuminsa haci fotografia comercial, el a logra experimenta bastante caba. “Ami semper tabata artistico, pues p’ami, e cambio tabata mas den mentalidad di negoshi cu e tabata artisticamente pasobra mi tabata en buskeda caba pa ‘uniqueness in art’ den e banda di arte ‘ki. E prome biaha cu mi a tene un camara tabata berdaderamente un cambio p’ami pero sinceramente mi pasion a crece mas segun mas mi a siña. Inicialmente mi tabata kier ta un fotografo di ‘fine arts’ pero despues mi a haya e oportunidad, pa casualidad, pa asisti na un shooting di Vogue na Aruba. Desde e momento ey mi a realisa cu mi destino tabata pa mi ta un fotografo.
Por lesa mas di Petit su entrevista den nos edicion digital, tanto den Papiamento como na Ingles.
