KEN E TA:

_{^{Mi ta un persona simpel y trankil pero fuerte den caracter ora mester. Semper asertivo y habri pa otro nan opinion. Positivo y semper purbando di haci lo corecto. Mi ta gusta ta mi mes. Social y gusta combersa, pero tambe mi ta encanta ta mi so. Mi gusta hari y pone hende hari cu storianan di mi yiunan. Y mi gusta yuda hende te con leu mi por. Mi ta compronde cu bida ta cortico, pues mi ta purba haci locual ta haci ami feliz.}}

INSPIRACION

_{Mi inspiracion pa e pagina di ‘Ta Mirna di’ inicialmente a bin di e promesa di no laga hende lubida mi Mama. Cu permiso y apoyo di mi rumannan, mi a cuminsa cu e pagina riba facebook y Instagram. Mi mama, Mirna Tromp, tabata un shon di hende mane nan ta bisa. Semper dispuesto pa yuda y semper positivo. Via e pagina mi por yuda y motiva otro hendenan, principalmente hende muher uzando e enseñansa cu mi a haya di mi mama. E reto cu mi sa encontra ta falta e di inspiracion paso no tur dia bo ta lanta mesun inspira pa por scirbi un frase cu por relata bon na e siguidornan pa por yuda nan cu nan dia.} 

_{UN MOMENTO INOLVIDABEL DI INSPIRACION}

_{Despues di partida di mi mama y despues mi tata tambe, mi ta haya diferente persona ta aserca mi pa sea expresa nan mes of pidi pa conseho paso nan ser keri ta pasando den mesun malesa. E caso mas serca di mi curason ta ora lamentabelmente, mi mester a laga un persona compronde y acepta e realidad y cu e tabata na tempo pa dispidi di su mayor, cual no ta un oportunidad cu nos tur ta haya. E ta tuma curashi tambe pa haci esaki, pa bis’e tur locual bo ta desea di bis’e y pa gradici’e tambe pa tur locual el a nifica pa bo. Mi a yud’e compronde e bunita di esaki paso ta algo cu mi no a logra ful cu mi mama pero si, cu mi tata. El a hacie y a gradici mi despues pa e conseho.}

Por lesa mas di Cindy su entrevista den nos edicion digital, tanto den Papiamento como na Ingles.