Tin tres cos cu ta semper presente den arte, e parti di mira, emocion y conocemento. Arte ta accentua cada un di esakinan unda humildad di e artista por keda resalta den cada obra y asina, e por logra conecta di un forma asina profundo c’un audiencia, cu e ta haya e admiracion, aprecio y elogio pa trabou. Na Aruba, arte ta visibel y multiple pero no facil. Hopi te artistanan cu ta crea trabounan bunita y di hopi nificacion pero no ta logra haya e aprecio pa nan creacionnan. Armando (Artmando) Goedgedrag a logra yega na conecta riba e tres puntonan den su creacionnan, unda aparte di crea obranan meticulosamente ehecuta, el a logra haya un audiencia, promove e beyesa di Aruba den cada obra y siña expone su arte den forma sublime. Pa e abilidadnan aki, Armando Goedgedrag ta merecedor di ta nos Persona XCLSV 2022.
ARMANDO;
“Mi ta percura pa keda semper cu 2 pia riba vloer y tene ego na control paso e por ta facil como un artista, pa bo perde bo mes y laga ego tuma bo mente over. Ora mi a caba di studia, mi a realisa cu na lugar di crea arte y pinta algo straño, mi a dicidi pa pinta e naturalesa di Aruba. Dicon? Paso banda di pinta naturalesa cu ta algo cu mi ta gusta, e no ta algo pinta hopi biaha pa mas artista. Ademas, pintando naturalesa mi por a crea conscientisacion di su cuido na e publico. Mi ta gusta semper traha y colabora cu oro artistanan paso mi a realisa cu ora traha hunto, bo por bay dilanti hunto. Mayora biaha mi kier inspira un persona pero tambe dune un momento pa goza di e cuadra cu ta refleha un momento captura. Pa e obra hibabo na un lugar cu ta yenabo cu emocion y mustrabo algo unico. Nos ta un isla chikito y nos ta kere cu nos a wak tur cos caba pero no t’asina.
Por lesa mas di Armando su entrevista den nos edicion digital, tanto den Papiamento como na Ingles.
