Pa decadanan caba, storianan di fantasia (sprookjes) a pone nos pensa cu CORAHE ta un abilidad reserva pa super heroenan unicamente. E realidad ta hopi mas leu cu esey. CORAHE por haya serca e mama cu ta bringa pa lanta su famia te na e persona cu ta para pa loke e ta kere aden. Zaida Everon ta representa e arte di tin CORAHE como nos Persona Xclsv 2022, pa e simpel hecho di a laga tur loke tabata sigur y e tabata familiar cune atras, pa cuminsa, cu su alma y curpa, na crea un concepto di negoshi cu e a kere aden; su exitoso Micro Panaderia yama T2Pan.
ZAIDA;
“Mirando bek riba e locura, sin cu mi mes tabata consciente, hopi hende a haya mi storia uno di hopi curashi. Pa mi mes, e tabata cu mi a djis actua riba mi pensamento y move on di mi trabou na scol unda mi tabata sa cu mi no por a keda mas. Cu e ta mas trabou, sigur cu si compara cu tempo mi tabata emplea. E trabou ta diferente y e ta envolvi stress pero ta problemanan cu mi ta disfruta na resolve. Mi ta hacie pa mi mes y mi tin e libertad di scoge y dicidi. Berdad mi tin hopi mas responsabilidad y oranan di trabou como doño di negoshi cu ta varia di traha e producto, maneha administracion y busca oportunidanan nobo. Semper mi ta bezig, mas ainda cu mi panaderia ta na mi mesun cas. Mi ta purba mantene 1 dia liber pa mi mes y sali for di cas ora e ta bira di mas.
Por lesa mas di Zaida su entrevista den nos edicion digital, tanto den Papiamento como na Ingles.
