PERFIL
Liza Helder ta un entrepreneur y productor di proyecto di serienan di concientisacion di derechonan di muchanan yama, “Mi Mes Un Heroe”. Creador di The MAKE IT by Liza Show y co-fundador di FIDAC, e ta un fundacion cu ta traha cu e meta pa un mundo unda tur mucha por biba den paz, c’un proposito y empodera. Tur cos a cuminsa na 2021, un aña pasa, cu The MAKE IT by Liza Show. “Door di a produci y presenta mi talk show, mi a scucha un cantidad di storianan hopi motivante mes. Mi a reconoce e problemanan social di Aruba y a mira tame e potencial pa crea algo bunita na mes momento.”
E serie di “Mi Mes Un Heroe” y e canticanan ta skirbi y composita pa e talentoso, Edselyn Figaroa. Basa riba mi experiencianan profesional anterior cu mi talkshownan, mi mes ta encarga cu produccion di e serienen di “Mi Mes Un Heroe”. Mi ta pasiona cu mi rol como productor di e proyecto aki. Mi ta concentra riba traha cu muchanan di paden pa pafor pasobra tur cos ta cuminsa y caba cu bo. Mi ta satisfecho di por ta trahando cu Edselyn, e muchanan y hobennan di C-POP mescos cu e ekipo di Tele-Aruba como tambe di por ta trahando cu Edirik Jong, kende tin un rol importante den e serienen di “Mi Mes Un Heroe”.
E hecho di ta por ta produciendo un serie di television pa muchanan a dunami un oportunidad pa mira e mundo aki den forma diferente. Mi ta mira nan ta sobrepasa retonan y preserva nan mes den nan rolnan. Nan ta mi inspiracion. Mi ta stimanan. Mi ta wak con nan ta crece den nan caracter y confiansa propio den cada episodio. Mas importante, mi ta aprecia cada mayor, famia/amigonan pa nan sosten den e serienan.
Por lesa mas di Liza su entrevista den nos edicion digital, tanto den Papiamento como na Ingles.
