PERFIL
Desde un edad hoben caba, Helen tabata den cushina ta sea trahando buscuchi, brownies of cupcakes pa ocasionnan special, Specialmente pa e cumpleaño di su mayornan. “Semper mi tabata traha e bolo di paki pa nan cu un forma pa mustra nan mi amor. Den un forma, esey tabata meguahe di amor, cual te awe, ainda ta.” Helen ta naci na Venezuela pero lanta na Aruba desde su edad di 6 aña. “Aruba ta mi cas. Mi ta e unico yiu di mi mayornan. Como mi mayornan tabata traha henter dia, mi tabata bay na cas di mi tantanan despues di scol y tabata pasa full dia cu mi primanan ta core den cunucu ta piki shimarucu y subi den palo. E mihor adolecencia cu mi por a pidi p’e. Di chikito caba mi a siña cu trabou duro y dedicacion, tur cos ta posibel y cu sin importa obstaculonan cu por bin den bo caminda, semper tin un solucion. Bo djis mester tin pasenshi y tur cos lo traha pa mihor. Tur cos ta pasa pa un motibo, bo tin cu djis confia Dios.
LEU DI CAS
“Ora mi tabata na universidad, mi tabata biaha tur zomer y pasco cu tabata mi momentonan faborito pa wak mi famia y amigonan. Awor cu mi ta biba mas leu, el a bira mas dificil pa haci esaki. Mi no a wak mi tata pa mas di 2 aña y mey caba y tampoco mi mama pa mas di 1 aña. E no ta facil pa ta leu di bo famia, mas ainda den ocasionnan special manera mi di 30 cumpleaño. Mi ta gradicido na social media y whatsapp su video calls cu por lo menos mi por comparti recuerdonan di leu cu mi famia y amigonan.
Por lesa mas di Helen su entrevista den nos edicion digital, tanto den Papiamento como na Ingles.
