Naci na Aruba pero lanta na Hulanda te cu su 18 aña, durante un viahe di vakantie na Aruba, el a conoce su pareha y asina a dicidi pa keda biba na su isla natal. Arte tabata un interes semper latente serca dje. “Semper mi tabata pinta y crea arte for di tempo mi ta mucha. Awendia ainda mi ta crea arte pero riba piel di mi clientenan cu tattoo como un tatto artist.” Rachell a studia Art direction na Gerrit Rietveld. Durante e temporada aki, e lesnnan mas valioso cu el siña ta pa ta bo mes. “Sin importa kico otro persona ta spera di bo, duna honor na bo mes y bo por ta sigur cu tur cos lo cay den su lugar.”
QREDITS – E SOSTEN PERFECTO
Ora e idea pa haci su hobby cambia pa un negoshi a cuminsa crece, tabata e sosten di QREDITS cu a yuda esaki haya forma y bida.
“Un dia mi a wak un facebook ad y mi a reach out,” Rachell ta splica, “Nan a yudami c’un start up loan y a yudami polish mi business plan.”
Mientras hopi biaha e proceso pa haya ayudo di un instituto financiero por ta dificil, Rachell su experiencia tabata diferente cu QREDITS.
“E proseso tabata basta facil y mi ta haya nan guia ta super util, mas di loke mi a spera.”
Kico ta haci Qredits diferente segun abo?
“Qredits no ta djis yudabo c’un business loan. Nan ta echt guiabo personalmente durante e proceso.
Bo lo recomenda Qredits na un otro entrepreneur?
“Sigur cu si. Nan ta bay e extra mile pa nan clientenan por ta exitoso.”
Por lesa mas di Rachell su entrevista den nos edicion digital, tanto den Papiamento como na Ingles.
