E prome recuerdonan cu ta bin na memoria di Sandy Roga (46) di su infancia den e bario di Sabana Grandi ta e libertad cu e tabatin pa por hunga pafor como tambe su curiosidad di trempan pa naturalesa. “Nos tabata hunga baseball, futbol, volley, golf, core riba cura di cas. Un mundo diferente.
Awendia muchanan ta lanta unda cu mundo ta draai rond di nan, dilanti un screen tur dia, casi no ta hunga pafo mas, cu obesidad y problema neurologico for di control. Den esaki nos ta purba di lanta nos yiunan cu balornan cu nos a siña di nos mayornan, cu ta pa lanta muchanan cu principio y tene nan mas activo posibel, c’un nutricion balansa y semper, pensando outside the box.”
E ROL DI UN TATA
“Un tata su rol ta hopi importante. E ta brinda respet, corahe, disciplina. Un bon tata t’ey pa su yiunan. Duna placa no ta hacibo un tata. Tur tempo tin nan reto, pero ta importante pa adapta un poco y haci loke bo ta kere ta miho pa bo yiunan y no laga internet, media y television haci esaki p’abo.”
” Hopi tata no t’ey pa nan yiunan. Tambe tatanan tin cu bataya tecnologia y mas distraccion cu antes no tabatin. Mamanan tambe ta traha loke cu ta pone cu e rol di tata mester ta mas presente pa nan yiunan”.
Riba nos pregunta, te na unda e ta pone limite na ‘straf’ e ta reacciona; “straf ta un coreccion pa un comportacion of sucedido cu den bo pensamento no ta tolerabel. E ta un necesidad tanten no maltrata e mucha.”
“Jeanine, mi casa, ta e curason di nos famia. E ta e balans, mi amiga, mi amor y nos comunicacion y comprension pa cu otro ta yuda complementa e forma cu nos kier educa nos yiunan”
Por lesa mas di Dr Sandy su entrevista den nos edicion digital, tanto den Papiamento como na Ingles.
