Fortalesa den cada hende ta keda midi diferente. Den caso di Carol Tromp Alders (48), su fortalesa sigur ta den su habilidad deportivo como fitness instructor, martial arts trainer y hasta profesional den mundo bancario. Pero no tin ningun duda p’e, cu e fortalesa di mas grandi cu e ta posee, el a haya den e rol como mama cu awor a hasta extende den e rol como abuela.
AWOR UN WELA
E bendicion den famia cu nacimento di Daene dos aña pasa, un alegria mas a yega den famia pa Carol cu a dune e titulo di Lela, e nomber con su nieta ta yam’e. “Mi ta malcria mi nieta mas cu mi yiunan. Mi ta zorg y yuda pa e mama haci su trabou bon como mama, mescos mi mama a haci cumi y ami cu nan”.
E ta bisa cu e consehonan cu el a haya di su mama, ta consehonan cu el a uza te awe pa su yiunan. “Stima bo yiunan mas cu tur cos. Papia hopi cu nan, scuchanan. Ta un mama y amiga. Pensa semper cu bo cabes y no cu curason. Esey kiermen no pasobra bo ta stimanan bo no por zundra of coreginan”.
DESAFIONAN
“Mi ta kere e reto mas grandi ta di competi cu e maldadnan di mundo. Mustra nan e bon y toch papia di e malo. E diferente caminda cu nan por scoge , apesar cu como Mama bo ta papia y consehanan.
Por lesa mas di Carol su entrevista den nos edicion digital, tanto den Papiamento como na Ingles.
