Cu hopi anticipacion, Queeny (34) hunto cu su pareha Krish tabata contando e dianan pa nacimento di nan yiu homber, cual nacimento dokternan a calcula cu lo bira 25 di Juni. Sinembargo tabata te 4 dia despues cu Queeny tabata den hospital cu e prome contraccionnan pa duna lus y finalmente, un dia despues, dia 30 di Juni 2021, Kae Krish Mathani a nace. Un fecha di hopi nificacion pa Queeny pasobra esaki tabata un fecha marca pa un tristeza grandi antes cu a cambia awor pa uno di alegria. Riba e mesun fecha aki 11 aña pasa, Queeny a perde su mama na e malesa di Cancer. Despues di apenas 2 luna, e alegria nobo aki a cambia ora cu Queeny a nota cu algo no tabata bon cu Kae. Un problema di curason a hiba e famia hoben na lunanan di buskeda di salud pa nan baby cu a conclui positivamente awe pero cu a duna Queeny como un mama hoben, su prome test di e realidad tras di e nificacion di amor maternal.
LESNAN SIÑA
“Mi gut feeling no ta faya. Mother Instinct is real! Mi a siña pa tene pasenshi, entrega, tene fe y confia. Confia den e dokternan, den mi forsa, den mi yiu su forsa y mas cu tur, den Dios y e poder di oracion. Mi a siña conoce un otro banda di mi pareha, su banda spiritual, emocional y su amor pa nos famia. Di mi yiu mi a siña con fuerte y resiliente e ta. El a lucha hunto cu nos paso e tabatin gana di biba. Mi a wak mi yiu mantene su smile den tur su dolor y miedo (drumiendo 7 siman largo sin su mami of papi banda di dje of su zebra).
“Mothers can do it all”?
“They sure can! Much respect for all the mothers out there, especially single mothers. Paso pa traha, cuida e yiu, cuida bo mes, zorg pa cas y mantene un social life pa por stay sane. It’s not easy, but still we manage to do it. Momma’s are the real superheroes, no doubt! P’esey e ayudo, sigur e sosten moral ta hopi importante. Paso it really takes a village to raise a child”.
Por lesa mas di Queeny su entrevista den nos edicion digital, tanto den Papiamento como na Ingles.
