The Boolchand group a bolbe demostra e confiansa den Aruba y su comunidad cu apertura di e mas recien tienda di PANDORA na nan localidad completamente nobo na The Shops at Ling & Sons.
E gran apertura aki a tuma lugar dia 28 di April unda cliente VIP, socio, amistad, ehecutivo di Pandora y tambe Su Excelencia Minister President di Aruba tabata presente. Minister President sra. Evelyn Wever Croes a duna su tempo pa mustra sosten cu cortamento di sinta hunto cu e director di The Boolchand Group Sr. Ram Boolchand, oficialisando asina e bunita apertura aki. “Nos ta gradecido na e Gobierno di Aruba pa tur e decisionnan duro cu mester a keda tuma pa proteha nos comunidad y na e mesun momento, e esfuerso haci pa sostene nos economia local”, sr. Boolchand a expresa.
The Boolchand Group a traha duro p’asina logra sostene nan negoshi y adapta mas cu tabata posibel pa recupera di e tempo nan dificil di e pandemia. Durante e tempo aki hasta tabata ofrece compra y entrega di nan productonan na tur cliente.
E tienda nobo di PANDORA mes ta uno c’un interior bunita yena cu piezanan unico di e nomber Pandora. E ubicacion nobo aki, aparte di ta uno accesibel ta conta c’un parkeo amplio pa tur cliente amante di Pandora. “Nos ta agradecido pa tin e oportunidad di habri un tienda nobo den un localidad cu ta miho situa y mas accesibel pa e comunidad local, y cu na e mesun momento por sirbi e mercado di Airbnb’s y di short-term rentals cu ta aumentando”.
The Boolchand Group a dedica su mes na e isla di Aruba desde 1974 y ta sigui cu nan compromiso pa keda inverti den Aruba.
Bo ta invita pa bishita e tienda di mas nobo di The Boolchand Group, PANDORA na The Shops at Ling & Sons.
