Riba nos portada e beyisima Kyra Hoevertsz (23) ta luci un modelo di Carolina Herrera. Esaki ta hopi diferente na locual e ta custuma cune den su bida diario. Como un Elite Athlete den e disciplina di Artistic Swimming Kyra ta pasa su dianan trahando como marketing y PR na e Oficina di Arquitecto di su tata y entre pool, recovery, massage y gym, entre otro. Bida como un atleta ta hopi duro, pero for di chikito e hoben aki a demostra un disciplina inigualabel, c’un soño hopi ambicioso: pone Aruba su nomber briya internacionalmente!
“Mi ta kere e ta importante pa tur hoben sa cu niun otro hende su palabranan di duda por daña bo soño of e plan cu abo tin den bo mente. Si bo tin un soño of un meta, sea ta pa deporte of algo otro, bay pe. Ora abo cuminsa kere den bo mes, bo lo keda sorprendi di tur locual bo por haci”.
