Kizas un poco desconoci na principio di su carera politico, Candelaria a bira un house hold name despues di a bira parlamentario. Robert ta hiba un politica di nivel envidiabel, e ta dialoga hopi bon y semper e ta bin documenta, specialmente riba su materia. E no sa haya su mes den controversia y tampoco ta perde tempo cu atakenan di oponentenan.
KICO TA E LOGRONAN CU BO TA MAS ORGUYOSO DI DJE?
Di por a demostra den mi forma di a haci e trabou cu Politica cu contenido y di respet ta posibel. Den oposicion, un parlamentario su trabou ta pa controla gobierno. Mi ta contento di por a yuda demostra cu politica tradicionalista no ta necesario mas. Ora mester a pone diferencia di opinion un banda, pa pone pais prome, nos a logra demostra cu esaki ta posibel.
Un logro personal ta di mira inclusion tuma luga. Bogando semper pa tene nos hendenan cu limitacion como prioridad, a mira con bunita ta di traha riba conscientisacion pa yuda nos hende cu limitacion fisico logra metanan.
