“Ya ta 17 aña cu mi ta bek na Aruba despues di tabata studia na Hulanda y mi ta corda cu ora cu mi a bolbe, Aruba tabata na candela (na moda di bisa), cu henter e discusion di conservacion, DUMP y reciclahe y tur cos cu ta draai rond di esaki” Zenon (43) ta cuminsa splica. P’e, bibando na Hulanda prome, e tabata masha normal pa recicla y separa sushi, pues e no por a compronde pakico esaki lo mester ta un topico di discusion mes. “Ora mi a bay Hulanda, Parke Arikok no tabata existi den e forma manera e ta awo. P’ami como Arubiano di un otro generacion, mi a dicidi mesora cu si lo bin cambio na Aruba ta mi generacion lo mester haci’e y ami mester ta parti di esey.
FUTURO
E desaroyo sostenibel ta mas den curason di e comerciantenan den industria turistico y e ta bisto. Ki ora Parke Arikok of otro instancia organisa cualkier evento, ta e comerciantenan aki ta eynan. Mi sa cu e balansa entre sostenibel y haci un actividad comercial cu ta gana placa tin ora ta dificil. Pero mi sa por ehempel cu si ami kap mangel pa mi guestnan por pasa of laga nan mishi cu reef, cu aki 10 aña esey NO lo existi mas pa mi otro guestnan. Hopi area ta wordo embeyece, pero den mi manera di pensa esaki ta kita na e originalidad di e sitio ey. Mi guestnan ta buska e local experience. “Go where the locals go, do what the locals do”.
ROL DI GOBIERNO
Mi lo desea pa tin mas control riba e leynan existente y pa enberdad mas industria ta sostenibel. Asina so Aruba por keda e joya cu e ta den Caribe y na mundo como destinacion pa bishita.
Por lesa mas di Clear Kayak Aruba nan entrevista den nos edicion digital, tanto den Papiamento como na Ingles
