Tin un dicho na Ingles cu ta bisa; the third time is the charm, pero pa Yentl Lieuw, tur tres vez bibando na Aruba tabata un encanto. E prome vez cu mi a biba na Aruba mi tabata un mucha y a bay scol ‘kinan. E di dos vez tabata net despues cu mi a gradua di Universidad.” Yentl a studia broadcasting y mientras su coleganan di klas tabata haciendo nan pasantia na Toronto, Yentl tabata atrai bek na su raiz, Aruba. El a contacta e tempo aki e canal di television ATV pa pasa su pasantia eynan. Como cu su tata tabata bibando na Aruba tambe e tempo aki, e tabata e momento perfecto pa pasa tempo cu e persona cu e ta stima y riba e isla cu e ta stima.
OUR HOME, YOUR HOLIDAY
Aparte di ta mama y esposa, awor Yentl a cuminsa c’un concepto nobo pa un show yama Our Home, Your Holiday. Mi a tuma mi retiro di mi trabou comodo for di cas pa mi por concentra mi mes completamente riba mi show nobo aki na Aruba. Mi tabata kier a haci esaki desde 8 aña pasa caba y awor, porfin mi por. Hendenan stima Aruba, sea pa biba of como turista. Tin asina hopi contenido pa conta di Aruba, so mi a pensa, lagami haci esaki. “Our Home, Your Holiday ta un show na Ingles di 30 minuut cu lo trata topiconan unico di Aruba.
E meta ta pa e tema ta interesante pa tanto local como turista. E no ta noticia. Tur storia lo ta positivo, ya tin suficiente negatividad den e mundo aki caba. “E no ta facil pa haci tur cos mi mes pero e ta nifica tambe cu mi tin control riba e parti creativo cu ta di un satisfaccion grandi ora mi logra un tremendo storia.” Produccion pa
Our Home, Your Holiday ta den pleno accion. Por haya e real-time updates di e storianan por haci esaki siguiendo su cuenta di instagram @ourhomeyourholiday, TikTok, y Facebook. Episodionan lo keda lansa dia 3 di October 2022. Bo por wake tambe segun bo kier, riba YouTube of na Telearuba pa 7 p.m. tur dialuna.
Por lesa mas di Yentl su entrevista den nos edicion digital, tanto den Papiamento como na Ingles.
