Ursell a bira un household name durante eleccion pasa na unda, liderando e plataforma RAIZ, den apenas algun luna, el a sa di casi yega na un asiento cu solamente 5 candidato. Ursell mes tabata un di Aruba su vote getters, un hoben ambicioso pero cu ideanan noble pa su pais, el a causa un impacto grandi. Awor ya caba un seasoned politician, e ta liderando un partido hopi mihor prepara cu un lista impresionante.
CON BO TA DESEA PA E VOTADOR WAK BO COMO CANDIDATO Y PAKICO NAN LO MESTER VOTA PA BO?
Na 2017 RAIZ a haya e sosten di 2107 votador. Aunke nos no a drenta parlamento, nos a logra trece un forma completamente nobo y diferente di conduci politica na Aruba (cu tiki fondo pero hopi creatividad, sin bandera, sticker, etc y c’un tono di union). Den e ultimo 4 añanan nos a sigui representa nos comunidad pafor di parlamento. Nos a aplaudi ora gobierno a tuma bon decision y nos a para contra plannan y proyectonan cu no tabata na e bienestar general.
