C’un mision solido riba e futuro, Tyson Lopez (36) a acepta e rol di CEO di Fundacion Parke Nacional Aruba (FPNA) na 2023. Su viahe pa e posicion aki tabata uno di deliberacion profundo cu su mes y esnan serca di dje.
Desde cu el a cuminsa na FPNA 4 aña pasa, semper otronan tabata considera e posibilidad di liderazgo den dje. Y tabata su trabou durante e pandemia unda su abilidad pa guia e fundacion den ausencia di un CEO permanente y a co-crea strategianan vital pa e fundacion, a marca e comienso di un fase nobo di liderazgo p’e. Awor na mando, su mision ta pa promove conservacion, educacion y tambe yega na participacion di comunidad den tur esaki.
Desafio
“Falta di conocemento di locual ta nos mesun naturalesa. Den e ultimo añanan aki FPNA ta trahando di serca cu Wageningen University & Research p’asina haci trabounan di investigacion y cada biaha ta descubri cosnan nobo e.o. vegetacionan cu nunca antes a wordo documenta. Esaki ta haci cu nos mesun conocemento ta limita y pa mehora biodiversidad y restaura ecosistemanan, mester tin un bon comprondemento di esaki prome cu haci cualkier tipo di programa.
Trabou cu ta keda haci actualmente ta restoracion di coralnan; algun aña atras a haci un investigacion grandi pa CARMABI cu a duna un bon bista di estado di nos rifnan den lama.
Por lesa mas di Tyson su entrevista den nos edicion digital, tanto den Papiamento como na Ingles.
