Mientras cu e temporada di pandemia a paralisa hopi cos den e rutina di bida di hopi hende, el a crea tambe oportunidadnan nobo serca algun. E ultimo aki ta loke a pasa cu Sharkk Gario y Samil Sussebeek, kendenan a cuminsa No Filter in Paradise, un programa di un concepto nobo y diferente den pleno pandemia. Mas c’un programa nobo, e concepto di e programa tabata uno unda por a mira claramente e representacion di un generacion mas ‘outspoken’ cu a haci nan sintonia grandi den nos comunidad completo. Di e curioso pa esun cu sea ta critica of ta di acuerdo cu e contenido. Hecho ta keda cu e programa aki a haya su audiencia completo na Aruba cu ta pone Sharkk Gario y Samil Sussebeek logra e reconocemento como nos Persona XCLSV 2022.
SHARKK & SAMIL;
Sharkk: “Te cu awor, e topico mas interesante tabata di Liesje Obispo, pasobra el a duna un bista di su bida como un stripper pero cordando nos cu tras di esey, tin un ser humano cu sentimiento y impulso pa lucha pa su famia.
Samil: Mi ta di acuerdo cu Sharkk riba esaki. E episodio ey tabata definitivamente uno cu a habri wowo di hopi hende. Si mi tin cu scoge un mas, lo ta e episodio di Jeon. Mi ta kere cu el a echt habri cu nos y mustra un otro parti di dje cu hende no a yega di wak nunca prome unda el a aplica riba su ups & downs y cu ego di un hende por tuma over si bo no controla esaki. Pa no importa kico pasa, tene bo pianan riba suela y keda corda di unda bo a bin.
Por lesa mas di Sharkk & Samil nan entrevista den nos edicion digital, tanto den Papiamento como na Ingles.
